Her bur  Alf,  Solvor,  Anne Lise,  Bjørn Runar,  Lene,  Vilde og Emil.

Garden Ramsvik ligg i Stordalen i Etne kommune. Me driv med mjølkeproduksjon på ca. 100 geiter. I 2006 gjekk me inn på eit prosjekt som heiter Friske Geiter, som innbar at me sanerte heile besetninga og bygde om fjosen. Me er framleis med i prosjektet, og har gitt gode resultat hittil. Friske trivlege dyr. Mjølka leverer me til Haukeli Meieri som er eit av meieria til TINE Sør. TINE Meieri Sør Haukeli er eit geitmjølkeysteri som tek imot geitmjølk i frå Hordaland, Rogaland og Telemark. Det vert produsert Frozen Curd som vert eksportert til USA, og i tillegg vert det produsert norsk Chevre Kvitmugg og Naturell til innanlandsmarknaden. Ysteriet handsamar 2,3 mill. liter geitemjølk og har 11,9 årsverk.
Sidan 2008 har me brukt semin på geitene for å skaffa oss nytt blod inn i flokken (sjå reportasje i Sau og Geit nr 3, 2010, www.nsg.no).

Me driv også med Dølahest. Den første dølahoppa Bruno kjøpte Alf for sparepengene sine  i 1974 frå Marifjøra i Sogn. Bottolfs Lina som har vore eldste merra lenge på garden,  blei no avliva 02.11.17. Slik at eldste merra på garden er no Ramsvik Nelly f. 2008. I tillegg har vi Ramsvik Lene f. 2013 og Ramsvik Balder f. 2019.

På garden er det fire hundar, to Border Collie hundar som heiter Rocky og Tim. Koseklumpen vår heiter Nico, han er ein Toy Puddel. Bjørn Runar og Lene har ein Yorkshire Terrier som heiter Hercules.

Ta gjerne kontakt om du ynskjer meir informasjon om oss.